«Կամիշիբայ» և ձեռքով կավե աշխատանք` ֆրանսերեն և ռուսերեն լեզուներով
«ԷԴՈՒԿ» երիտասարդական կրթական ստուդիան հրավիրում է մասնակցելու «ԴԵ ՄԵՆ Է ԴԵԶ ՕՂԵՅ» («Ձեռք և Ականջ») մանկական հեղինակային ծրագրին, որը նախատեսված է 3-13 տարեկան երեխաների համար:
Ծրագիրն ունի երեք հիմնական նպատակ` լեզվաբանական, հոգեբանական և ստեղծագործական: Ամենակարևոր էլեմենտը ԽԱՂՆ է` հիմնված ձեռքով կավե աշխատանքի վրա, որն առավել հետաքրքիր և մատչելի է դարձնում ուսուցումը` նպաստելով երեխայի ստեղծագործական երևակայության ու գեղագիտական ճաշակի զարգացմանը:
Միաժամանակ խաղի ընթացքում երեխաները սովորում են բառակապակցություններ և երգեր` ֆրանսերեն և ռուսերեն լեզուներով:
Առաջարկում ենք նաև ճապոնական «Կամիշիբայ» խաղ-թատրոնը, որի փոքրիկ հերոսները երեխաների ձեռքով պատրաստած կավե տարբեր կենդանիներն են և առարկաները:
Ծրագրի հեղինակ և վարող` բանասեր-կավագործ Արմինա Բաղդասարյանը, ով ունի երեխաների հետ աշխատելու մեծ փորձ, հաջողությամբ սույն մեթոդը կիրառել է Վարշավայի լավագույն “Empik” լեհական օտար լեզուների դասավանդման դպրոցում, ինչպես նաև հայտնի “Montessori” համաշխարհային մանկական կենտրոնում:
Դաընթացները կսկսվեն փետրվարի 1-ից, մեկ փուլի տևողությունը 8 շաբաթ է, շաբաթական 2 պարապմունք:
Փուլի ավարտին երեխաները կստանան վկայագրեր:
Լրացուցիչ տեղեկությունների համար դիմել`
''EDUC''
Կորյունի 5, 33/2
Հեռ. 56 49 10
094 56 49 10